13.03 - 18.03.2017 жылғы Павлодар қ. ЖМБ және 24.03.-29.03.2017 жылғы Ақтау қ. ҚГБ республикалық пәндік олимпиаданың қорытындылары

13.03 - 18.03.2017 жылғы Павлодар қ.  ЖМБ және 24.03.-29.03.2017 жылғы Ақтау қ. ҚГБ республикалық пәндік олимпиаданың қорытындылары

Қазақстан Республикасы Білім және ғылым министрлігінің «Дарын» Республикалық ғылыми-практикалық орталығы 2017 жылғы 13- 18 наурыз аралығында Павлодар қаласында жаратылыстану-математикалық бағытының жалпы білім беретін пәндері, 2017 жылғы 24 – 29 наурыз аралығында Ақтау қаласында қоғамдық-гуманитарлық бағыттағы  жалпы білім беретін пәндер бойынша республикалық пәндік олимпиаданы өткізді.

Ақмола облысынан ЖМБ бойынша 36 оқушы, оның ішінде Көкшетау қ. мектептерінен 5 оқушы қатысты: №6 ОМЛ-1, №3 МГ -1, №18 ОМ -1, №14 ОМ -1. Ақмола облысы бойынша республикалық пәндік олимпиаданың ЖМБ қорытындылары бойынша 11 жүлделі орын, оның ішінде Көкшетау қ. мектептері 3 жүлделі орындарға ие болды. 

ІІІ дәрежелі дипломдармен және қола медальдармен

-        №1 ОМГ 11 сынып оқушысы Темирханов Темирлан (география), мұғалім (Бейсенбаева Мадина Бексеитовна);

-         №3 МГ 9 сынып оқушысы Рашитов Ермек (география), мұғалім  (Жолдаспаева Бакыт Саутбековна);

-         №14 ОМ 11 сынып оқушысы Шаймерденов Данияр (география), мұғалім (Досанова Салтанат Амантаевна) марапатталды.

Ақмола облысынан ҚГБ бойынша 29 оқушы, оның ішінде Көкшетау қ. мектептерінен 10 оқушы қатысты: №1 ОМГ-2, №3 МГ -2, №5 «Таңдау» КГ -1, №6 ОМЛ -1, №12 ОМ -1, №14 ОМ -1, №1 КОМ -1, №2 КОМ -1.

Ақмола облысы бойынша республикалық пәндік олимпиаданың ҚГБ қорытындылары бойынша 9 жүлделі орын, оның ішінде Көкшетау қ. мектептері екі жүлделі орындарға (1-бірінші және бір грамота) ие болды. Бірінші дәрежелі дипломмен және алтын медальмен №6 ОМЛ 11 сынып оқушысы Овсяникова Дарья (Құқық негіздері), мұғалім (Байбазарова Балыш Айтеновна) және грамотамен №5 «Таңдау» КГ 11 сынып оқушысы Алимжанова Эльвира (француз тілі), мұғалім   (Гордеева Ольга Валентиновна) марапатталды.

Көкшетау қ. білім бөлімі жүлдегерлерді құттықтайды және Республикалық пәндік олимпиадаға қатысушыларды сапалы дайындағаны үшін педагогтарға алғыс білдіреді.

Шығармашылық табыстар тілейміз!