Көкшетау қаласында жалпы орта білім беретін мектептерінің бастауыш сынып мұғалімдеріне арналған «Алтын тұғыр» республикалық математикалық олимпиадасы

Көкшетау қаласында жалпы орта білім беретін мектептерінің бастауыш сынып мұғалімдеріне арналған «Алтын тұғыр» республикалық математикалық олимпиадасының І (қалалық) кезеңінің жеңімпаздары анықталды 

«Ақмола облысы білім басқармасының Көкшетау қаласы бойынша білім бөлімі» ММ Қазақстан Республикасы Білім және ғылым министрінің 2011 жылғы 07 желтоқсандағы №514 бұйрығына сәйкес 2024 жылғы 01 қараша күні Көкшетау қаласының №11 МГ базасында бастауыш сынып мұғалімдері арасында «Алтын тұғыр» республикалық математикалық олимпиадасының І (қалалық)  кезеңін өткізді. 
Олимпиаданың мақсаты – бастауыш сынып мұғалімдерінің жоғары деңгейдегі олимпиадалардың математикалық және логикалық есептерді шешуде кәсіби біліктілігі мен шеберлігін жетілдіру, шығармашылық әлеуетін дамыту.
Олимпиадаға қала мектептерінің 183 бастауыш сынып мұғалімдері қатысты. 
Іс-шараның қорытындысы бойынша 98 көкшетаулық мұғалімдер жеңімпаздар, жүлдегерлер және грамота иегерлері атанды: 
І орын - 12, 
ІІ орын - 31, 
ІІІ орын - 41, 
грамота 14.
Қалалық турда 1 орын алған олимпиада қатысушылары 2025 жылдың қаңтар айында республикалық математикалық олимпиадасында Көкшетау қаласының намысын қорғайтын болады.
Олимпиаданың қалалық турының жеңімпаздары мен жүлдегерлерін құттықтаймыз және облыстық кезеңде әріптестерімізге сәттілік тілейміз!