Қымбатты оқушылар! Құрметті әріптестер, ата-аналар!

Кешегі тарихтан тамыр алған, ертеңгі тарихқа тұғыр болған Қазақстанның мерейлі мерекесі - Конституция күнімен баршаңызды шын жүректен құттықтаймын!   

Азат елдің ар-намысындай болған Ата Заңымыз - қазақтың ұлан-байтақ даласының кеңдігін де, елінің ерлігі мен өрлігін де бойына сыйғызған  киелі кітабы, қастерлі құжаты. Бейбітшілік пен келісімнің, тұрақтылық пен тұтастықтың үлгісін көрсетіп, ынтымағы жарасқан Қазақстан халқының қарымды істері бүгінде әлем жұртшылығы үшін үлгі-өнегеге айналды. Мұның өзі біздің Ата Заңымызда бүкіладамзаттық құндылықтар мен өркениеттік игіліктердің барлығы қамтылғанын айғақтайды.

Барша халықтың мерекесі, біздің елдігіміздің тұғыры, тәуелсіздігіміздің тірегі -  Ата Заңымыз мәңгілік болсын. Әр шаңыраққа құт-береке, ырыс пен ынтымақ тілеймін. Ел іргесі аман, келешегіміз кемел болсын!

«Көкшетау қаласының білім бөлімі» ММ

басшысы                                                                           Б.А. Жусупов