Бастауыш сынып (2,3,4-сынып) оқушылары арасындағы «Бастау» Республикалық математикалық турнирінің облыстық кезеңі

2019 жылғы 16 мамыр күні бастауыш сынып (2,3,4-сынып) оқушылары арасында Көкшетау қаласында Ақмола облысы білім басқармасының «Көкшетау қаласы дарынды балаларға арналған №3 облыстық мамандандырылған мектеп-интернаты» КММ негізінде «Бастау» Республикалық математикалық турнирінің облыстық кезеңі өткізілді.

Турнирдің мақсаты – математикаға  қабілетті балаларды анықтау, оларға қолдау көрсету және оқыту, бастауыш мектеп оқушыларының танымдық белсенділігін арттыру, олардың шығармашылық әлеуетін дамыту.

1 айналым − «Әу Баста» (жазбаша топтық олимпиада)

2 айналым − «Асық» (ауызша топтық олимпиада)

3 айналым − «Математикалық бәйге» (ауызша жеке олимпиада)

Қала мектептерінен 2,3,4-сынып оқушыларынан құралған төрт команда қатысты.

Математикалық турнирдің қорытындысы нәтижесінде келесі жүлдегерлер анықталды: №17 орта мектеп-гимназиясы командасынан 4-сынып оқушысы Лянной Роман 1 орын, 3-сынып оқушысы Есимсеитов Алан 1 орын. Жетекшілері: Тесля Е.Н., Савченко Л.С.

ІТ мектеп-лицей командасынан 3-сынып оқушысы Мұратбек Ислам 1 орын, 4-сынып оқушысы Құдайберген Әділетәли 2 орын, 2-сынып оқушысы Қайырбек Бақытжан 2 орын. Жетекшілері: Касымова Г.Б., М Касымова А.К,  Утепова Д.К.

М.Ғабдуллин атындағы №3 көптілде оқытатын кәсіби мектеп-гимназиясы командасынан   4 сынып оқушысы  Төлендиев Темирлан 1 орын, 2 сынып оқушысы Аманжолов Әмір 1 орын, 3 сынып оқушысы Букешов Рауан 2 орын, Жетекшісі Сайлыбаева Д.А., Абылкалыкова Р.Б., Досмаганбетова М.К.

№18 орта мектеп-лицейі командасынан 4-сынып оқушысы Кенжебай Алихан 3 орынға ие болды. Жетекшісі: Мукушева Р.Н.

Командалық есеп бойынша Көкшетау қаласы М.Ғабдуллин атындағы №3 көптілде оқытатын кәсіби мектеп-гимназиясының бастауыш сынып оқушыларынан құралған команда  ІІ дәрежелі дипломмен марапатталды. 

№17 орта мектеп-гимназиясының және ІТ мектеп-лицейінің бастауыш сынып оқушыларынан құралған команда І дәрежелі дипломмен марапатталып, Алматы қаласына республикалық кезеңге жолдама алды.

Жүлдегерлерді жеңістерімен құттықтаймыз! Алдағы уақытта жаңа жеңістер тілейміз!